Joseba Díez Antxustegi naiz eta 31 urte ditut. Gasteizen jaio nintzen eta, 5 urte nituenean, nire familia Araiara joan zen bizitzera, Aratz mendiaren azpian dagoen herri eder batera; ingurugune horretan oso haurtzaro zoriontsuaz gozatzeko pribilegioa izan dut.
Ordutik, kirolari oso lotuta egon naiz beti, batez ere futbolari. Deportivo Alaveseko beheko mailetan 8 denboraldi jokatu nituen, eta bertan esfortzua, iraunkortasuna eta diziplina bezalako baloreak irakatsi zizkidaten. Gaur egun, balore horiek ere nire balioko kontzeptuak dira.
Zuzenbidea ikasi nuen Euskal Herriko Unibertsitatean. Garai hartan izan nuen lehen harremana politikarekin. Politikaren “friki” samarra naizela esan ohi dut, eta egia da. Politika maite dut eta sinesten dugun hori konpromisoz eta kemenez defendatu behar dugula uste dut.
Tokiko politikan aritzen naiz, legebiltzarkidea izan naiz eta, egun Arabako Batzar Nagusietako EAJ-PNVren taldeko bozeramailea naiz. Horrek gure lurraldea herriz herri zeharkatzea eta herritarren kezkak ezagutzea eragin dit. Pertsona gazteenen ahotsa eta haien kezkak eraman nahi ditut Legebiltzarrera. Argi eta garbi, konplexurik gabe hitz egin nahi dut, gauzak diren bezala esanez, nahiz eta batzuetan ez gustatu.
Ziur nago, Imanol Pradalesen eskutik eta EAJ-PNVren proiektuarekin, Euskadi hobe bat eraikiko dugula. Seguruagoa, jarduera ekonomiko handiagoarekin eta kalitatezko enpleguarekin. Azken batean, denontzako aukerak dituen Euskadi.
Euskadi segurua, jarduera ekonomikoarekin eta kalitatezko enpleguarekin. Guztiontzako aukerak sortuko dituen Euskadi.
