Jonatan Moreno

Politika eta Administrazio Zientziak ikasi nituen EHUn, eta gero graduondoko eta masterreko hainbat ikastaro egin izan ditut, maila profesionalean haziz joateko aukera eman didatenak. Herritarren parte-hartzean espezialista izateko unibertsitate-graduondokoa, komunikazioaren kudeaketako masterra, tokiko erakundeen kudeaketa eta zuzendaritzako graduondokoa, datuen analisiari buruzko graduondokoa eta Big Datari buruzko unibertsitate-programa egin nituen. Beti gustatu izan zait gauza berriak ikastea, neure burua birziklatzea profesional hobea izateko. 

Unibertsitateko urteetan eta urte batzuk geroago, industria-enpresa batzuetan lan egin nuen, plastikoak injektatzen, balbulak egiten... eta 5 urte baino gehiago egin nituen okindegi batean txofer gisa. Urte horietan asko ikasi nuen lan munduari buruz eta batez ere, oraindik mantentzen ditudan lagunak egin nituen. 

Politika bokaziozko zerbait da niretzat. Euzko Alderdi Jeltzalean afiliatu nintzen 1999an, gure alderdiak Euskadi ikusteko duen moduarekiko konbentzimendu eta konpromisoagatik. Politika gizarte hobea eraikitzeko tresna da. Bizi garen mundua eta gizartea ikusteko dugun modua politikoa da. Auzo bat konpontzea edo ikastetxe bat eraikitzea politika da. Inbertsioak sustatzea politikoa da, osasun zentro berri bat eraikitzea politikoa da.

EAJren proiektuan parte hartzea harro sentitzeko moduko herri bat egitearen alde lan egitea da. Bere nortasuna eta hizkuntza defendatzen dituen herrialde bat, kalitatezko eta ondo ordaindutako lana ematen duten enpresak dituen herrialde bat, kalitatezko hezkuntza publikoan prestatzeko aukerak dituen herrialde bat, osasun-sistemarik onena duen herrialde bat. Niretzat horixe da EAJren politika eta bereizgarria. Urteetan Euskadi hobea eraikitzeko lan egin duen alderdia.